Komiteti Olimpik i Kosovës (KOK), sot do të presin për vizitë delegacionin më të lartë të Komiteti Olimpik të Francës, me veçanti presidenten Brigitte Henriques.

Henriques  do të jetë e shoqëruar nga nënpresidenti, Pierre Siutat, i cili njëkohësisht është edhe kryetar i Federatës së Basketbollit të Francës, dhe kandidat për kryetar të FIBA Evropës, Sophie Metais, drejtoreshë për marrëdhënie ndërkombëtare dhe asistenti i saj, Pierre-Louis Magnani, përcjell arbresh.info.

Vizita e tyre në Kosovë vie me arsyen e thëllimit të bashkëpunimit me Komitetin Olimpik të Kosovës, ku edhe do të nënshkruhet edhe një memorandum bashkëpunimi.

Memorandumi i bashkëpunimit do të quhet “Balkans Cooperation 5 (BC5)”, ndërsa do të vlejë deri në vitin 2028. Në memorandum përfshihen çështje të ndryshme të bashkëpunimit para dhe pas LO Paris 2024.

Delegacioni francez do të zhvillojë takime edhe me kryeministrin, Albin Kurti, presidenten Vjosa Osmani dhe  ministrin, Hajrullah Çeku. /arbresh.info/